Home ពត៍មានថ្មីៗ កម្មកររោងចក្រប្រមាណ៥០០នាក់បានបិទផ្លូវជាតិលេខ៤ទាំងស្រុងបាតុកម្មទាមទារអោយក្រសួងការងារជួយដោះស្រាយរឿងប្រាក់ខែ!

កម្មកររោងចក្រប្រមាណ៥០០នាក់បានបិទផ្លូវជាតិលេខ៤ទាំងស្រុងបាតុកម្មទាមទារអោយក្រសួងការងារជួយដោះស្រាយរឿងប្រាក់ខែ!

501

កម្មករ-កម្មការិនីរោងចក្រយីហោ «ជីម លី» ស្ថិតនៅក្នុងភូមិគល់ សង្កាត់កំបូល ខណ្ឌពោធិ៍សែនជ័យ រាជធានីភ្នំពេញប្រមាណ៥០០នាក់ បាននិងកំពុងធ្វើការបិទផ្លូវជាតិលេខ៤ ទាំងស្រុង នៅព្រឹកថ្ងៃទី១៧ ខែកញ្ញា ឆ្នាំ២០១៨នេះ ក្នុងចំណោមកម្មករជាង២៥០០នាក់ ដោយពួកគេទាមទារឱ្យក្រសួងការងារដោះស្រាយជូនពួកគាត់ បន្ទាប់ពីថៅកែរោងចក្របានរត់ចោល និងមិនបើកប្រាក់ខែឱ្យចំនួន២ខែមកហើយ។

បើតាមកម្មករ ការតវ៉ារបស់ពួកគេ បានកើតឡើងអស់រយៈពេលជិត១ខែមកហើយ នៅតែមិនដាច់ស្រេច ទើបពួកគេបានប្រមូលផ្តុំគ្នាធ្វើការតវ៉ាតែម្តង ដែលជម្រើចុងក្រោយ។

ក្រុមកម្មករបានឱ្យដឹងថា រោងចក្រខាងលើ ក្រោយពីប្តូរទីតាំងប្តូរឈ្មោះរោងចក្រ «ជីម លី» ឲ្យទៅជារោងចក្រ «ជី ជី» តែខាងក្រុមហ៊ុនមិនទាន់បានទូទាត់លុយអត្ថប្រយោជន៍ ជូនកម្មករនៅឡើយ ធ្វើឲ្យកម្មករ២៥០០នាក់ មិនសុខចិត្តនាំគ្នាតវ៉ាទាមទាររកលុយបំណាច់ឆ្នាំ និងលុយអត្ថប្រយោជន៍ផ្សេងៗ។

សម្រាប់ការតវ៉ារហូតដល់បិទផ្លូវជាតិខាងលើនេះ បានធ្វើឲ្យមានការកកស្ទះចរាចរណ៍យ៉ាងខ្លាំង ខណៈកងកម្លាំងសមត្ថកិច្ច និងអាជ្ញាធរជាច្រើននាក់ កំពុងតែធ្វើការសម្រួលចរាចរណ៍ផងដែរ៕

ប្រភពពី៖Freshnews