អាពាហ៍ពិពាហ៍រវាងកម្លោះសង្ហាវ័យ ២៣ឆ្នាំ ជាមួយស្ត្រីមេម៉ាយវ័យ ៣៨ឆ្នាំ បានទទួលការចាប់អារម្មណ៍យ៉ាងខ្លាំងពីសំណាក់អ្នកលេងបណ្តាញសង្គមនៅក្នុងប្រទេសចិន ដោយងឿងឆ្ងល់យ៉ាងខ្លាំងអំពីមនោសញ្ចេតនារបស់គូស្នេហ៍មួយគូនេះ។
កម្មវិធីដ៏គគ្រឹកគគ្រេងមួយត្រូវបានប្រារព្ធធ្វើឡើងនៅក្នុងទីក្រុង Qionghai ខេត្ត Hainan ប្រទេសចិន កាលពីថ្ងៃទី ១៩ មករា ឆ្នាំ២០១៨កន្លងទៅ។
យោងតាមរបាយការណ៍មួយបានឲ្យដឹងថា កូនក្រមុំមានអាយុក្មេងជាងម្តាយកូនកំលោះ តែ ១ ឆ្នាំប៉ុណ្ណោះ ហើយថែមទាំងមានកូនប្រុសអាយុ ១៤ ឆ្នាំ (ជាមួយប្តីមុន) ទៀតផង។ នាងបានរស់នៅជាមួយមិត្តប្រុសវ័យក្មេងជាងដល់ទៅ ១៥ ឆ្នាំរបស់នាង នៅពេលនាងមានផ្ទៃពោះ ដែលបណ្តាលឲ្យអ្នកទាំងពីរសម្រេចចិត្តរៀបការតែម្តង។
សារព័ត៌មាន SETN បានចុះផ្សាយថា ពីដំបូងឡើយ ឪពុកម្តាយខាងប្រុសមិនបានយល់ស្របជាមួយអាពាហ៍ពិពាហ៍នេះទេ ប៉ុន្តែនៅពេលដែលកូនក្រមុំហ៊ានជូនប្រាក់ ៦៦០ ០០០យ័ន (ប្រហែល ១០ម៉ឺនដុល្លារអាមេរិក) រួមទាំងដីឡូត៍ និងរថយន្តម៉ាក Ferrari ដែលតម្លៃ ៥លានយ័ន (ប្រហែល ៧៨ម៉ឺនដុល្លារអាមេរិក) ពួកគេក៏យល់ព្រមរៀបការតែម្តង។
កូនក្រមុំខាងលើនេះ ត្រូវបានគេដឹងថាជាអ្នកមានទ្រព្យសម្បត្តិ ដោយសារត្រូវប៉ាន់លើអាជីវកម្មអចលនទ្រព្យ៕
