តាមសារព័ត៌មាន TMZ បានបញ្ជាក់ថា តារាចម្រៀង Justin Bieber និងតារាម៉ូដែល Hailey Baldwin បានរៀបអាពាហ៍ពិពាហ៍ជាមួយគ្នារួចមកហើយ ដោយគ្រាន់តែមានហេតុផលមួយចំនួន ទើបពួកគេព្យាយាមលាក់បាំង។
ពួកគេបានរៀបការរួចមកហើយតាំងពីពីខែមុន នៅទីក្រុងញូវយ៉ក ក្នុងថ្ងៃតែមួយដែលពួកគេទៅទទួលសំបុត្រសុំសិទ្ធិរៀបអាពាហ៍ពិពាហ៍នៅឯតុលាការនោះ។ ពួកគេបានអញ្ជើញអាចារ្យម្នាក់ឈ្មោះ Jeffrey Quinn ដែលជាសមាជិកម្នាក់នៅព្រះវិហារ Nyack ដែលមានទីតាំងជិតតុលាការដែលពួកគេបានទៅនោះផ្ទាល់។
Justin និង Hailey បានទៅជួបមេធាវីដើម្បីធ្វើសំបុត្រមុនរៀបអាពាហ៍ពិពាហ៍ ប៉ុន្តែឥឡូវពួកគេបែរជាមិនធ្វើទៅវិញ។ ដូច្នេះហើយ ពួកគេបានរៀបការជាមួយគ្នា ដោយមិនធ្វើសំបុត្រមុនរៀបអាពាហ៍ពិពាហ៍ឡើយ ប៉ុន្តែពួកគេសម្រេចធ្វើសំបុត្រក្រោយរៀបអាពាហ៍ពិពាហ៍ជំនួសវិញ។
តាមប្រភពព៌តមានបានបញ្ជាក់ថាគូស្នេហ៍មួយគូ មិនបានចុះសំបុត្រមុនអាពាហ៍ពិពាហ៍ ដូច្នេះ ក្រោយរៀបការរួច ពួកគេត្រូវចែកចំណូលដែលរកបានឲ្យគ្នាម្នាក់ពាក់កណ្ដាល (៥០/៥០)។
