ព័ត៌មានដ៏រន្ធត់បានទម្លាយពីវិបសាយ TMZបានអោយដឹងថាតារាចម្រៀង Selena Gomez ត្រូវបានបញ្ជូនទៅមន្ទីរពេទ្យរហូតដល់ទៅ ២ ដង ក្នុងរយៈពេលប៉ុន្មានសប្ដាហ៍ ដោយសារមានជំងឺផ្លូវចិត្តធ្ងន់ធ្ងរ ក្នុងនោះផងដែរតារាៗមិត្តរួមអាជីពជាមួយនាង និងអ្នកគាំទ្រជាច្រើន មានការភ្ញាក់ផ្អើល និងព្រួយបារម្មណ៍ជាខ្លាំង។
ក្រោយពីបានទទួលដំណឹងភ្លាម មិត្តរួមការងារជាមួយនាង ដូចជាតារាចម្រៀង Cardi B, DJ Snake និង Ariana Grande ជាដើម បានសរសេរសារបន់ស្រន់ឲ្យតារាស្រីដ៏ល្បីរូបនេះ ឆាប់ជាសះស្បើយពីជំងឺដ៏អាក្រក់មួយនេះ។
អ្នកគាំទ្រជាច្រើនក៏បានជូនពរនាងអោយបានឆាប់ជាសះស្បើយផងដែរ៕
