Home ពត៍មានថ្មីៗ គ្រាន់តែពោតដុតមួយអាចទាក់ចិត្តសម្តេចតេជោ ហ៊ុន សែនអោយធ្វើរឿងមួយនេះ!

គ្រាន់តែពោតដុតមួយអាចទាក់ចិត្តសម្តេចតេជោ ហ៊ុន សែនអោយធ្វើរឿងមួយនេះ!

570

​សម្តេច ហ៊ុន សែន នាយក​រដ្ឋមន្រ្តី​កម្ពុជា បាន​អញ្ជើញ​ទៅ​​ទស្សនា​ព្រះវិហារ​ឥស្លាម​ដ៏​មាន​ប្រជាប្រិយ មាន​អាយុ​ជាង​ ៤០០ឆ្នាំ ​ក្នុង​ទីក្រុង​អ៊ីស្តានប៊ុល​សាធារណរដ្ឋ​តួកគី​ បន្ទាប់ពី​ពិធី​ចុះហត្ថលេខា​លើ​ឯកសារ​ និង​កិច្ចព្រមព្រៀង​អនុស្សារណៈ ចំនួន​៨ រួចរាល់។

នៅផ្លូវចូលទៅព្រះវិហារ សម្តេចតេជោ ហ៊ុន សែន បានទទួលទានពោតដុតមួយ ដោយសារតែមានរសជាតិឆ្ងាញ់ សម្តេចតេជោ បានស្នើសុំពូជពោតនោះមកសាកល្បងដាំនៅកម្ពុជា។

សម្តេចបានសរសេរក្នុង Facebook របស់សម្តេចយ៉ាងដូច្នេះថា «ទស្សនកិច្ចនៅទួគី ខ្ញុំសាកល្បងរសជាតិនៃពោតដុត ដែលបុរសលក់ពោតដុតបានលក់ នៅតាមផ្លូវចូលទៅព្រះវិហារមួយ ដែលមានវ័យចំណាស់ជាង៤០០ឆ្នាំ។ ខ្ញុំទទួលទានពោតដុតអស់មួយ ជាមួយសំណើចលេងសើចរបស់មន្ត្រីកម្ពុជា និងមន្ត្រីតួកគីប្រកបដោយមិត្តភាពបន្ទាប់ពីការចុះហត្ថលេខាលើកិច្ចព្រមព្រៀមចំនួន៨ដែលខ្ញុំ និងប្រធានាធិបតីយតួកគីឯកភាពគ្នា។ ក្នុងពេលបាយជាមួយអភិបាលក្រុងអ៊ីស្តាំប៊ុល ខ្ញុំបានសុំពូជពោតយកទៅដាំសាកល្បងនៅកម្ពុជា ព្រោះរសជាតិពោតនេះពិតជាឆ្ងាញ់ និងមានផ្លែធំ។ ពេលមើលរូបថតខ្ញុំទទួលទានពោត សុំមើលតែពោតបានហើយកុំមើលក្បាលពោះខ្ញុំដែលវាធំប្លែកខុសធម្មតា»

សម្ដេច មានប្រសាសន៍​បញ្ជាក់បន្ថែមថា៖ ក្នុង​ពេល​បាយ​ជាមួយ​អភិបាល​ក្រុង​អ៊ីស្តាំប៊ុល​ ខ្ញុំ​បាន​សុំ​ពូជ​ពោត​យក​ទៅ​ដាំ​សាកល្បង​នៅ​កម្ពុជា​ ព្រោះ​រសជាតិ​ពោត​នេះ​ពិត​ជា​ឆ្ងាញ់​ និង​មាន​ផ្លែ​ធំ ៕