Home ពត៍មានថ្មីៗ គ្រោះចរាចរណ៍ថ្នាក់ដ៏រន្ធត់បានសម្លាប់មនុស្សម្ដង៦នាក់ទាំងគ្រួសាររវាងរថយន្តបែននិងរថយន្តហាយលែនឌ័រ

គ្រោះចរាចរណ៍ថ្នាក់ដ៏រន្ធត់បានសម្លាប់មនុស្សម្ដង៦នាក់ទាំងគ្រួសាររវាងរថយន្តបែននិងរថយន្តហាយលែនឌ័រ

346

មនុស្សប្រុសស្រី ៦នាក់ បានស្លាប់យ៉ាងអាណោចអាធ័មជាទីបំផុតក្នុងហេតុការណ៍គ្រោះថ្នាក់ចរាចរណ៍ដ៏រន្ធត់មួយនៅលើផ្លូវជាតិលេខ១ ចន្លោះគីឡូម៉ែត្រលេខ៩១-៩២ ក្នុងភូមិជ្រលង ឃុំប្រាសាទ ស្រុកកំពង់ត្របែក ខេត្តព្រៃវែង នាវេលាម៉ោង ១០៖៤៥នាទីយប់ថ្ងៃទី២៨ ខែមករា ឆ្នាំ២០១៩។

គ្រោះថ្នាក់នេះបង្កឡើងដោយរថយន្តបែនពាក់ស្លាកលេខ ខ.ម ៤-9457 បើកបរដោយជនមិនស្គាល់អត្តសញ្ញាណបើកបរបញ្ជ្រាស់ទិសជាមួយរថយន្តរងគ្រោះម៉ាកហាយលែនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2AI-8096 រ៉េចង្កូតទៅបុករថយន្ត ហាយលែនឌ័រ ពេញទំហឹងធ្វើឲ្យផ្លោងធ្លាក់ផ្លូវ។

ជនរងគ្រោះស្លាប់បាត់បង់ជីវិតទាំង៦នាក់នោះរួមមាន៖ ឈ្មោះ ប៉ែន សៅសុម៉េតធា (ប្រុស), ឈ្មោះ ឃីម គា (ប្រុស), ឈ្មោះ ឌី វណ្ណៈ (ប្រុស), ឈ្មោះ ក្តាម (ប្រុស), ឈ្មោះ មោគ សុភាព (ស្រី), ឈ្មោះ ឡាយ ស្រីណិច (ស្រី)។

ក្រោយកើតហេតុអ្នកបើកបររថយន្តបែនបង្កហេតុបានរត់គេចខ្លួនបាត់ពីកន្លែងកើតហេតុ ដោយឡែកសពជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីព្រះពុទ្ធសាសនា៕