Home ពត៍មានថ្មីៗ គ្រោះថ្នាក់រថភ្លើងរអិលធ្លាក់ផ្លូវនៅកោះតៃវ៉ាន់ បានសម្លាប់មនុស្ស១៨នាក់និង១៨៧នាក់រងរបួស

គ្រោះថ្នាក់រថភ្លើងរអិលធ្លាក់ផ្លូវនៅកោះតៃវ៉ាន់ បានសម្លាប់មនុស្ស១៨នាក់និង១៨៧នាក់រងរបួស

503

បើតាមអាជ្ញាធរផ្លូវដែក តៃវ៉ាន់ដកស្រង់ដោយសារព័ត៌មាន CGTN​ នៅថ្ងៃចន្ទ ទី២២ ខែតុលា ឆ្នាំ២០១៨នេះបានបញ្ជាក់ថាចំនួនអ្នកស្លាប់នៅក្នុងគ្រោះថ្នាក់រថភ្លើងរអិលធ្លាក់ផ្លូវកាលពីរសៀល ថ្ងៃអាទិត្យ បានកើនដល់១៨នាក់ និង១៨៧នាក់ផ្សេងទៀតរងរបួស ក្នុងនោះមាន១០នាក់របួសធ្ងន់។

អ្នកដំណើរសរុប៣៦៦នាក់ បានជិះនៅលើរថភ្លើង ល្បឿនលឿន Puyuma Express នៅពេលដែលរថភ្លើងនេះរអិលធ្លាក់ផ្លូវ ក្នុងដំណើរផ្លូវចេញពីស្ថានីយរថភ្លើង Shulin ទៅកាន់ស្ថានីយរថភ្លើង Taitung។

ប៉ុន្តែមកទល់នឹងពេលនេះ អាជ្ញាធរមិនទាន់អាចបញ្ជាក់ពីមូលហេតុនៃគ្រោះថ្នាក់នេះនៅឡើយទេ ខណៈពួកគេកំពុងបើកការស៊ើប អង្កេត ហើយប្រតិបត្តិការជួយសង្រ្គោះនៅតែបន្តធ្វើឡើងនៅឡើយ៕