Home ពត៍មានថ្មីៗ កម្សាន្ត តារារ៉េប Cardi មិនទាន់ដាច់ស្រេចរឿងជាមួយ Nicki ស្រួលបួលផងឥឡូវឈ្លោះគ្នាវាយតប់​ផ្អើល​ក្លឹប​ទៀត

តារារ៉េប Cardi មិនទាន់ដាច់ស្រេចរឿងជាមួយ Nicki ស្រួលបួលផងឥឡូវឈ្លោះគ្នាវាយតប់​ផ្អើល​ក្លឹប​ទៀត

671

កាល​ពី​ថ្ងៃ​ទី ១ ខែ​តុលា​នេះ តារា​ចម្រៀង Cardi B ត្រូវ​បាន​ឃាត់​ខ្លួន និង​​នាំ​ទៅ​ប៉ុស្តិ៍​ប៉ូលិស ក្រោយ​បង្ក​អំពើ​ហិង្សា​នៅ​ឯ​ក្លឹប​រាត្រី​មួយ​កន្លែង ដែល​បណ្ដាល​ឲ្យ​អ្នក​បម្រើ​ស្រី ២ នាក់​រង​របួស។

ហេតុការណ៍នេះបានកើតឡើងនៅពេល Cardi B កំពុង​មើល​​តារា​រ៉េប Offset សម្ដែង​នៅ​ឯ​ក្លឹប Angels ដោយនាងបានជួល​ជន​បង្ក​២​រូប ឲ្យ​ទៅ​វាយ​ដំ​ស្ត្រី ២​រូប​ដែល​បម្រើ​ការ​ជា​អ្នក​ក្រឡុក​ស្រា​ក្នុង​ក្លឹប​កម្សាន្ត​នោះ ដោយសារ​ Cardi ខឹង និង​សង្ស័យ​ថា ពួក​ស្ត្រី​២​រូប​នោះ​បាន​ដេក​ជាមួយ​ប្ដី​របស់​នាង Offset។

ស្ត្រីរងគ្រោះទាំង២នោះមានឈ្មោះថា Jade និង Baddie Giជា​អ្នក​ក្រឡុក​ស្រា​ក្នុង​ក្លឹប​កម្សាន្ត​ ដោយ Cardi B បាន​បញ្ជា​ជំនួយ​ការ​នាង ២ នាក់​ឲ្យ​គប់​ដប​ស្រា និង​កៅអី​ទៅ​លើ​ស្ត្រី​២​រូប​នោះ បណ្ដាល​ឲ្យ​ពួកគេ​រង​របួស។ បើ​តាម​ប្រភព​ជិតស្និទ្ធ​នឹង Cardi B បាន​បញ្ជាក់​ដែរ​ថា ជម្លោះ​នោះ​គឺ​ជា​ជម្លោះ​ទាំង​សង​ខាង ព្រោះ​ថា រឿង​ហេតុ​កើត​ឡើង​ទាំង​ប៉ុន្មាន​ដោយសារ​តែ​មាន​គេ​ចាក់​គ្រឿង​ស្រវឹង​ទៅ​លើ Cardi B មុន។

តារា​ស្រី​វ័យ ២៥ ឆ្នាំ​រូប​នេះត្រូវបានគេឃើញនិងថតបាននៅពេលនាងបាន​​ស្លៀក​សំពត់​ឆែក​ពណ៌​សាច់ ជាមួយ​អាវ​ពណ៌​ស ខណៈ​ចាកចេញ​ពី​សណ្ឋាគារ​សំដៅ​ទៅ​ប៉ុស្តិ៍​ប៉ូលិស៕