តារាចម្រៀង និងកំប្លែង នៅ ណាវីន ហៅ ជ្រុយ ប្រកាសលក់ផ្ទះ និងដីនៅស្រុកកំណើតដើម្បីយកថវិកាទៅវះកាត់ប្ដូរក្រលៀននៅប្រទេសឥណ្ឌាក្នុងពេលឆាប់នេះ។
ប្រភពបានឲ្យដឹងទៀតថា តារាស្រីសម្តែង អ្នកនាង នៅ ណាវីន ពេលនេះកាន់តែប្រឈមនឹងគ្រោះថ្នាក់ធ្ងន់ធ្ងរ ដែលបណ្តាលឲ្យមានការពាល់ ចំពោះជីវិត ព្រោះតែខាងវេជ្ជបណ្ឌិតថៃ បានច្រានចោលមិន ហ៊ានព្យាបាល ឬធ្វើការវះកាត់ដោះដូរក្រលៀននោះឡើយ។ ដូច្នេះទាន់តែតម្រូវឲ្យអ្នកនាង ចេញទៅធ្វើការវះកាត់ដោះដូរក្រលៀន នៅឯប្រទេសឥណ្ឌា ដែលត្រូវចំណាយរហូត៥ម៉ឺនដុល្លារឯណោះ។
តែគួរឲ្យសោកស្ដាយអំឡុងពេលនេះ នៅ ណាវីន មិនមានថវិកាគ្រប់គ្រាន់ដើម្បីទៅវះកាត់ប្ដូរក្រលៀន ទើបនាង ប្រកាសលក់ដី និងផ្ទះប្រញាប់នៅឯខេត្តកំពង់ធំ។
ចំពោះលទ្ធភាពរបស់ក្រុមគ្រួសារ អ្នកនាង នៅ ណាវីន គឺមានតែត្រឹមជាង១ម៉ឺនដុល្លារប៉ុណ្ណោះ ហេតុនេះគឺមិនអាចបង្គ្រប់ លើថៃ្លវះកាត់ដោះដូរក្រលៀន នៅឯប្រទេសឥណ្ឌាបានទេ ទើបអ្នកនាង នៅ ណាវីន តាមរយៈមិត្តភក្តិសិល្បៈដូចគ្នា បានលើកដៃសំពះអំពាវនាវ ស្វែងរកការជួយសង្គ្រោះជីវិត ពីសំណាក់សប្បុរសជន ទាំងក្នុងនឹងនៅក្រៅប្រទេស៕
