ការស្រាវជ្រាវខ្លះបង្ហាញថា អាហារពេលព្រឹក ជាអាហារសំខាន់បំផុតក្នុងចំណោមអាហារទាំង ៣ ពេល ដោយអះអាងថា៖
(១) អាហារពេលព្រឹក ជួយជំរុញដំណើរការដុតបម្លែងអាហារទៅជាថាមពលក្នុងរាងកាយ ធ្វើឲ្យមនុស្សមានកម្លាំង និងស្មារតីស្វាង។
(២) ការមិនញ៉ាំអីពេលព្រឹក អាចធ្វើឲ្យមនុស្សធាត់ វិវឌ្ឍទៅជាបញ្ហាឡើងឈាម រហូតដល់មានបញ្ហាបេះដូង និងកើតជំងឺទឹកនោមផ្អែមទៀតផង។ ធាត់ គឺដោយសារមនុស្សកាន់តែឃ្លាន និងញ៉ាំច្រើនពេលបាយថ្ងៃត្រង់ និងល្ងាច ដោយសារអត់ញ៉ាំអីពេលព្រឹក។
មនុស្សពេញវ័យ ញ៉ាំ ឬអត់ញ៉ាំអាហារពេលព្រឹក មិនប៉ះពាល់ដល់សុខភាពនោះឡើយ។ ប៉ុន្តែ បើទម្លាប់ញ៉ាំអាហារពេលព្រឹក ត្រូវញ៉ាំអាហារផ្ដល់ប្រយោជន៍សុខភាព ដូចជា ពងមាន់ ផ្លែឈើ បន្លែ ទឹករ៉ែធម្មជាតិ ជាដើម៕
