នាយកគ្រប់គ្រង La Liga ប្រចាំតំបន់អាស៊ីអាគ្នេយ៍ បានមកទស្សនៈកិច្ចនៅកម្ពុជា កាលពីម្សិលមិញនេះ ហើយក៏បានបង្ហើបពីគម្រោងមួយដែលចង់ឱ្យកីឡាករកម្ពុជាមានឱកាសបានទៅហ្វឹកហាត់នៅអេស្ប៉ាញផងដែរ។
លោក Ivan Codina នាយកគ្រប់គ្រង La Liga ប្រចាំតំបន់អាស៊ីអាគ្នេយ៍ បានបញ្ជាក់ថាលោកបានតាមដានវិស័យបាល់ទាត់នៅកម្ពុជាច្រើនឆ្នាំមកហើយ។ ជាមួយការរីកចម្រើនពីមួយឆ្នាំទៅមួយឆ្នាំ លោកពិតជាចង់ឃើញកីឡាករកម្ពុជាមានឱកាសបានទទួលយកបទពិសោធនៅអេស្ប៉ាញខ្លាំងណាស់។ អ្វីដែលកាន់តែអស្ចារ្យថែមទៀតនោះ ក្រោយពីបានដឹងថាមានក្លឹបនៅអេស្ប៉ាញ ចង់ហៅកីឡាករកម្ពុជា២រូបទៅហ្វឹកហាត់កាលពីពេលកន្លងទៅនោះ លោករឹតតែមានឱ្យមានរឿងខាងលើនេះ កើតឡើងខ្លាំងមែនទែន។ លោក រួមជាមួយក្រុមការងារនឹងខិតខំបន្ថែមទៀត ដើម្បីជំរុញឱ្យរឿងនេះកើតឡើង។
ការមកកម្ពុជា នេះដែរ គោលបំណងធំមួយទៀត គឺលោក Ivan ចង់ឱ្យអ្នកគាំទ្រវិស័យបាល់ទាត់នៅកម្ពុជាតាមដាន និងស្គាល់ La Liga កាន់តែច្បាស់ថែមទៀត នឹងអ្វីដែលពិសេសនេះគឺលោកង់បង្កើតជា Fan Club ឱ្យបានច្រើនតាមដែលអាចធ្វើទៅបាន៕
ប្រភពពី៖ Saby
