Home ពត៍មានថ្មីៗ ផ្លូវពី ភ្នំពេញទៅសៀមរាប អាចនឹងមានផ្លូវល្បឿនលឿននាពេលខាងមុខ

ផ្លូវពី ភ្នំពេញទៅសៀមរាប អាចនឹងមានផ្លូវល្បឿនលឿននាពេលខាងមុខ

751

រដ្ឋមន្ត្រីក្រសួង​សាធារណការ និង​ដឹក​ជញ្ជូន លោក ស៊ុន ចាន់​ថុ​ល បាន​ឲ្យ​ដឹង​ថា ពេល​នេះ​មាន​ក្រុមហ៊ុន​ឯកជន​ចំនួន​២​បាន​និង​កំពុង​សិក្សា​សាងសង់​ផ្លូវ​ល្បឿន​លឿន​ឬ​Highway ថ្មី​មួយ​បន្ថែម​ទៀត​ចេញពី​ភ្នំពេញ​ទៅ​កាន់​ខេត្តសៀមរាប ។

លោក​ទេស​រដ្ឋមន្ត្រី​ថ្លែង​ថា ៖« ខ្ញុំ​សូម​ស្នើ​សុំ​ដល់​ក្រុមហ៊ុន​ឯកជន ដែល​មាន​បំណង​ចង់​វិនិយោគ​ផ្លូវ​ល្បឿន​លឿន​ពី​ភ្នំពេញ​ទៅ ខេត្តសៀមរាប ពង្រីក​ទៅ​ជា​៤​គន្លង ក្រសួង​សូម​ស្វាគមន៍ តែ​យើង​មាន​ក្រុមហ៊ុន​២​កំពុង​សិក្សា​ធ្វើ​ផ្លូវ​ថ្មី​តែ​ម្តង ពី​ភ្នំពេញ​ទៅ​សៀមរាប ដោយ​ពង្រីក​ឲ្យ​ទៅ​ជា​៤​គន្លង ជា​ការ​វិនិយោគ​ប្រ​ភេ​BOT តែ​ខាង​ក្រុមហ៊ុន​មិន​ទាន់​បាន​ផ្ញើ​របាយការណ៍ និង​ពិភាក្សា​ជាមួយ​ក្រសួង​នៅឡើយ​ទេ »​។

លោក​ទេស​រដ្ឋមន្ត្រី បាន​បន្ដ​ថា ៖« ឥឡូវ​រាជរដ្ឋាភិបាល​ពង្រីក​ផ្លូវ​ពី​២​គន្លង​ទៅ​៤​គន្លង​ពី​ភ្នំពេញ​ទៅ​ស្គន់ តែ​ពី​ស្គន់​ទៅ​សៀមរាប ជាង ២០០​គីឡូ​ហ្នឹង មាន​តែ​២​គន្លង​ទេ ហើយ​យើង​មិន​ទាន់​មាន​គម្រោង ពង្រីក​ពី​២ គន្លង​ទៅ​៤​គន្លង​ឡើយ​ទេ »​។កម្ពុជា​មាន​គម្រោង​ស្ថាបនា​ផ្លូវ​ល្បឿន​លឿន​ជា​ច្រើន​ខ្សែ​ដែល​ភ្ជាប់​ទៅ​ប៉ូ​ល​សេដ្ឋកិច្ច​សំខាន់​ៗ ដូច​ជា ភ្នំពេញ​-​ខេត្ត​ព្រះ​សីហ​នុ , ភ្នំពេញ​-​ក្រុង​បា​វិត និង​ភ្នំពេញ​-​សៀមរាប បន្ដ​ភ្ជាប់​ទៅ​ក្រុង​ប៉ោយ​ប៉ែ​ត ខេត្តបន្ទាយមានជ័យ​ជាដើម ។

លោក​បន្តទៀត​ថា «​រដ្ឋាភិបាល​បាន​និង​កំពុង​យកចិត្តទុកដាក់​លើ​បញ្ហា​នេះ​ហើយ តែ​ការ​កសាង​ហេដ្ឋា​រចនាសម្ព័ន្ធ​ត្រូវការ​ពេលវេលា​វែង មិនមែន​ធ្វើ​បាន​ក្នុង​រយៈពេល​១​ខែ​ឬ​១​ឆ្នាំ​នោះ​ទេ »៕