(ហាណូយ)៖ គ្រោះទឹកជំនន់ និងគ្រោះរអិលបាក់ដី ដែលបង្កឡើងដោយព្យុះទីហ្វុងកំណាច សុនទិញ (Son Tinh) បានសម្លាប់មនុស្សកើនឡើងដល់ ២៧នាក់ហើយ ខណៈមនុស្ស០៧នាក់ទៀតបាត់ខ្លួន និង២៦នាក់រងរបួស នៅឯតំបន់ភាគកណ្ដាល និងភាគខាងជើងប្រទេសវៀតណាម។ នេះបើតាមអាជ្ញាធរវៀតណាម ដកស្រង់ដោយទីភ្នាក់ងារព័ត៌មានចិន ស៊ីនហួរ នៅរសៀលថ្ងៃអង្គារ ទី២៤ ខែកក្កដា ឆ្នាំ២០១៨។
គួរជម្រាបថា បើតាមអាជ្ញាធវៀតណាមផ្ទះ ២៤៣ខ្នងត្រូវបានបំផ្លាញ ហើយ ៦,៩០០ខ្នងត្រូវជន់លិច ខណៈសត្វពាហនៈ ៦៥,០០ក្បាល និងមាន់ទាច្រើនជាង ១១៥,០០០ក្បាល ត្រូវងាប់។ មិនតែប៉ុណ្ណោះ ដីស្រែ ៦,២០០ហិកតា ក៏ត្រូវបានបំផ្លាញ និង៨១,០០០ហិកតាត្រូវជន់លិចផងដែរ។
ដោយហេតុនេះហើយទើបប្រទេសកម្ពុជាយើងទទួលរងឥទ្ធិពលព្យុះនេះដែរទើបមានភ្លៀងធ្លាក់ដោយកន្លែងនិងបណ្តាលអោយមានទឹកជំនន់តាមខេត្តមួយចំនួន៕
ប្រភពពី៖ Freshnews
