មិនធម្មតា!គ្រាន់តែមាន់ជល់សោះតម្លៃវិញកប់ពពកអាចទិញផ្ទះវីឡាបាន២

ស្ដេច​មាន់​ជល់​ថៃមាន​ឈ្មោះ​ថា «Chao Hong Thong»ដែល​មាន​រោម​កន្ទុយ​វែង​រហូត​ដល់​ទៅ ១ម៉ែត្រ និង​ជា​ពូជ​ដ៏​កម្រ Luang Hang Khao ត្រូវបានគេហ៊ានអោយថ្លៃរហូតដល់២០លាន​បាត (ជាង ៦០ម៉ឺនដុល្លារ) ដើម្បី​ទិញ​យក​ជើង​ឯក​មាន់​ជល់​ មួយនេះ។

ម្ចាស់​របស់​វា​មាន​ឈ្មោះ​ថា Bussarin Choeybanditthakul បាន​ចិញ្ចឹម​វា​នៅ​ក្នុង​សង្កាត់ Bang Phli នៃ​ខេត្ត Samut Prakan ប្រទេស​ថៃ ក្នុងការដេញថ្លៃយ៉ាងខ្ពស់នេះក៏មិនបានធ្វើអោយម្ចាស់សត្វមាន់នេះព្រមលក់វាដែរក៏ព្រោះតែគាត់ស្រលាញ់​វា​ខ្លាំង​ពេក រហូត​មិន​ដាច់​ចិត្ត​បែក​ពី​វា​ឡើយ។

គាត់សុខចិត្តលក់សត្វមាន់ពូជមាន់ជល់មួយក្បាលទៀតមាន​ឈ្មោះ​ថា Chao Hong Fah ដែល​ជា​ពូជ​កម្រ Luang Hang Khao ដូច Chao Hong Thong ដែរ ប៉ុន្តែ​មាន​រោម​កន្ទុយ​ខ្លី​ជាង ក្នុង​តម្លៃ ៥លាន​បាត (ជាង ១៥ម៉ឺន​ដុល្លារ)៕