កាលពីថ្មីៗនេះកញ្ញា ទេព បូព្រឹក្ស បានធ្វើអោយលោក G-Devith ភ្ញាក់ផ្អើលដោយសារតែនាងបានចំនាយលុយយ៉ាងច្រើនទិញកាដូរសម្រាប់ខួប២ឆ្នាំរបស់គូស្នេហ៍ពួកគេធ្វើឲ្យអ្នកគាំទ្រស្ទើរលើសជាតិស្ករ ព្រោះគូស្នេហ៍ទាំងពីរពិតជាផ្អែមល្ហែមនឹងគ្នាណាស់ ដោយកញ្ញា ទេព បូព្រឹក្ស បានទិញកាដូជាខ្សែកប្លាទីន ធំមួយខ្សែមានដាំពេជ្រ ជូនដល់លោក G-Devith។
តាមពិតទៅ ថ្ងៃគម្រប់ខួបស្នេហ៍របស់អ្នកទាំងពីរ មិនមែនពេលនេះឡើយ គឺនៅថ្ងៃទី៧ ខែកញ្ញានោះទេ តែកញ្ញា ទេព បូព្រឹក្សបានទិញជូនមុនថ្ងៃកំណត់។
សម្រាប់នៅលើបណ្តាញសង្គមរបស់លោក G-Devith ក៏បានបង្ហោះរូបកាដូរដែលគូស្នេហ៍បានផ្ដល់អោយនឹងបានសរសេរថា៖ “ទឹកចិត្តក្ដីស្រលាញ់ វាធំធេងជាងកាដូមានតម្លៃរាប់លានដង អរគុណសម្រាប់រយៈពេលពីរឆ្នាំ ដែលលើកទឹកចិត្ត និងខំប្រឹងជាមួយបង អរគុណហាន់នី។ កាដូ 2year anniversary . Love so much bopek”។
កំណើតស្នេហ៍អ្នកទាំងពីរ ត្រូវបានកញ្ញា បូព្រឹក្ស ប្រាប់ថា G-Devith បានយកកាដូនាឡិកាគូស្នេហ៍មកឲ្យ យ៉ាងភ្ញាក់ផ្អើលជាទីបំផុត ហើយសុំរូបនាងជាសង្សារតែម្ដង ដោយសួរថា អាចស្រលាញ់គាត់បានអត់? ។ ទោះស្រលាញ់គ្នាខ្លាំងក៏ពិតមែន តែអ្នកទាំងពីរមិនទាន់មានគម្រោងភ្ជាប់ពាក្យ ឬ រៀបការនោះទេ ដោយអ្នកទាំងពីរចង់គិតគូរលើការរបររកស៊ីសិន៕
