ការវិលត្រលប់មកកាន់ទឹកដីនៃព្រះរាជាណាចក្រកម្ពុជាជាលើកទី២នេះកញ្ញា Bella ទទួលបានការស្វាគមន៍យ៉ាងកក់ក្តៅពីសំណាក់អ្នកគាំទ្រ និងជាពិសេសនាងត្រូវបាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ទ្រង់សព្វព្រះរាជហឫទ័យប្រោសព្រះរាជទានតារាឯកថៃរូបនេះ ឲ្យបានចូលក្រាបថ្វាយបង្គំគាល់ នាព្រះរាជដំណាក់គន្ធបុផ្ផា ព្រះបរមរាជវាំង។
នាងបានបង្ហោះរូបភាពជាច្រើនសន្លឹកជាមួយព្រះមហាក្សត្រី ព្រះវររាជមាតាខ្មែរ ជាមួយនិងឃ្លាដ៏មានអត្ថន័យថា «នាងពិតជាមានអារម្មណ៍ថារំជួលចិត្តណាស់ ពេលដែលទ្រង់អនុញ្ញាតិឲ្យរូបនាង ចូលទៅជួបសម្ដេចម៉ែ ហើយក៏សប្បាយចិត្តដែលសម្ដេចម៉ែបានប្រទាន DVD Concert ដ៏រូបនាង នាងថាវាប្រៀបបានដូចជាសុបិន្តយ៉ាងដូច្នោះ»៕
