Home ពត៍មានថ្មីៗ កម្សាន្ត Jennie របស់ក្រុម BLACKPINK នឹងបង្ហាញខ្លួនជាលើកដំបូងនៅក្នុងខែវិច្ឆិកាជាតារាចម្រៀងទោល

Jennie របស់ក្រុម BLACKPINK នឹងបង្ហាញខ្លួនជាលើកដំបូងនៅក្នុងខែវិច្ឆិកាជាតារាចម្រៀងទោល

571

នាងនឹងបង្ហាញខ្លួនជាលើកដំបូងជាតារាចម្រៀងទោល!

នៅក្នុងរបាយការណ៍ដាច់ដោយឡែកមួយរបស់ Sports Donga បានរាយការណ៍ថា Jennie របស់ក្រុម BLACKPINK នឹងធ្វើការបង្ហាញខ្លួនលើកដំបូងរបស់នាងក្នុងនាមជាតារាចម្រៀងទោលនៅក្នុងខែវិច្ឆិកា ដោយសារតែកាលបរិច្ឆេទមិនទាន់ត្រូវបានសម្រេចជាផ្លូវការនៅឡើយ។

ក្នុងអំឡុងពេលរបស់នាងនៅអឺរ៉ុប ថ្មីៗនេះនាងក៏មានពេលវេលាគ្រប់គ្រាន់ដើម្បីថតវីដេអូបទចម្រៀងរបស់នាងសម្រាប់ការបង្ហាញខ្លួនដំបូង ហើយនឹងរៀបចំមាតិកាផ្សេងៗទៀតដើម្បីស្វាគមន៍អ្នកគាំទ្ររបស់នាង។

យោងតាមគេហទំព័រ Sports Donga បានអោយដឹងថាផលិតកម្ម YG Entertainment កំពុងតែធ្វើការបញ្ចប់នូវកាលវិភាគសម្រាប់ការចេញបទចម្រៀងដំបូងរបស់នាងតែទោះបីជាយ៉ាងណាក៏ដោយផលិតកម្ម YG Entertainment មិនបានចេញសេចក្តីថ្លែងការណ៍ផ្ទាល់ខ្លួនរបស់ពួកគេលើបទចម្រៀងដំបូងរបស់ Jennie ឡើយ។

BLACKPINK និង Jennie បានទទួលបានការគាំទ្រទូទាំងពិភពលោកដែលមានសមិទ្ធផលនិងប្រជាប្រិយភាពគួរឱ្យកត់សម្គាល់របស់ពួកគេ ដូច្នេះមានការរំពឹងទុកជាច្រើនសម្រាប់ការសម្ដែងដំបូងរបស់ Jennie ៕