កីឡាករខ្សែប្រយុទ្ធឆ្នើម Neymar ចង់ឲ្យ Paris Saint-Germain ទិញ Lucas Paqueta មកពីក្លឹបប្រេស៊ីល Flamengo ក្នុងរដូវកាលដោះដូរកីឡាករខែមករា ឆ្នាំ២០១៩ ខាងមុខនេះ។
Lucas Paqueta របស់ក្លឹបអាជីព Flamengo លេងក្នុងលីគកំពូលប្រេស៊ីល Serie A ដើម្បីមានវត្តមានលេងនៅទីក្រុង ប៉ារីសនារដូវកាលក្រោយនេះ ឬអាចនិយាយបានថា ចាប់ផ្តើមជើងទី២ ក្នុងរដូវកាល Ligue 1 តែម្តង ខណៈកីឡាករលេងក្នុងតំណែងខ្សែបម្រើ Paqueta មានវ័យ ២១ឆ្នាំ រូបនេះ បច្ចុប្បន្នរកបាន ៧គ្រាប់ ក្រោយបង្ហាញខ្លួនបាន ៣៩ប្រកួតឲ្យ Flamengo។
Paqueta ក៏បានចូលលេងក្នុងជម្រើសជាតិសាំបាប្រេស៊ីល បាន ២ប្រកួតផង ជាមួយនឹងការជួយឲ្យក្លឹប Flamengo ឈ្នះពានរង្វាន់ Carioca បាន ១ដងផងនារដូវកាលមុនឆ្នាំ២០១៧៕
