Home ពត៍មានថ្មីៗ ចាហ៊ួយនាំចូលពីវៀតណាមមានជាតិប្លាស្ទិក៣៧.៥គីឡូត្រូវបានដកហូតនឹងយកទៅដុតកម្ទេចចោលដោយ មន្រ្តីកាំកុងត្រូល

ចាហ៊ួយនាំចូលពីវៀតណាមមានជាតិប្លាស្ទិក៣៧.៥គីឡូត្រូវបានដកហូតនឹងយកទៅដុតកម្ទេចចោលដោយ មន្រ្តីកាំកុងត្រូល

532

លោក ផឹង និល ប្រធានសាខាកាំកុងត្រូលខេត្តស្វាយរៀង សហការជាមួយមន្ទីរពាណិជ្ជកម្មខេត្តស្វាយរៀង នៅព្រឹកថ្ងៃទី៥ ខែកញ្ញា ឆ្នាំ២០១៨នេះ បានដឹកនាំមន្ត្រីក្រោមឱវាទ ចុះពិនិត្យទំនិញបន្លែផ្លែឈើ នៅទីតាំងផ្សារប្រសូត្រ ស្រុកស្វាយទាប និងផ្សារជីភូ ក្រុងបាវិត ក្នុងនោះបាន រកឃើញចាហ៊ួយសង្ស័យដាក់ជាតិប្លាស្ទិកចំនួន១៥កាឡស្មើនិង៣៧.៥គីឡូ ព្រមទាំងរកឃើញស្លាដក៣១កញ្ចប់ នៅផ្សារជីភូ ដែលមានទឹកដោះគោ ថ្នាំដុះធ្នេញ និងសាប៊ូ ខូចគុណភាព និងទំនិញខូចគុណភាពជាច្រើនមុខទៀត ដាក់តាំងលក់នៅផ្សារប្រសូត្រ និងផ្សារជីភូ ក្រុងបាវិត ខេត្តស្វាយរៀង ហើយបានដកហូតយកទៅពិសោធន៍ និងដុតកម្ទេចចោល។

មន្ត្រីជំនាញ​បានធ្វើការចុះពិនិត្យមុខទំនិញជាច្រើនមុខ ក្នុងទីតាំងផ្សាប្រសូត្រនិងផ្សារជីភូនាពេលនេះ បានរកឃើញចាហ៊ួយចំនួន១៥ក្រឡ ជ័រនិង៣៧.៥គីឡូ ព្រោះប្រភេទចាហ៊ួយនេះ នាំចូលពីប្រទេសវៀតណាម។ វាមានជាតិរឹងស្វិតដែលបង្កឲ្យប៉ះពាល់ដល់ក្រពះពោះវៀនយ៉ាងធ្ងន់ធ្ងរ ខណៈដែលយើងបានបរិភោគវាជាពិសេសនោះក្មេងៗតូច ពិតជាគ្រោះថ្នាក់ខ្លាំងណាស់។

ក្នុងនោះក៏បានរកឃើញទំនិញហួសកាលបរិច្ឆេតមួយចំនួនទៀតផងដែរ មន្ត្រីជំនាញបានធ្វើតេស្តទៅលើមុខទំនិញជាច្រើនមុខមានដូចជាបន្លែ ផ្លែឈើ ផ្អក ប្រហុក ជ្រក់ សណ្តែកបណ្តុះ ឈាមគោ។ល។ ប៉ុន្តែពុំមិនបានរកឃើញផ្ទុកសារធាតុគីមីនោះទេ ចំណែកអ្នកលក់​ក៏បានយល់ព្រមបញ្ឈប់ការដាក់លក់ទំ​និញដែលខូចគុណភាព ហួសការបរិច្ឆេទប្រើប្រាស់ ព្រោះពួកគេទាំងអស់នោះ​បានយល់ដឹង នូវផលប៉ះ​ពាល់ដល់​សុខភាព នៅពេលដែលប្រើប្រាស់ទំ​និញដែលខូចគុណភាព៕

ប្រភពពី៖Freshnews