សមត្ថកិច្ចកងរាជអាវុធហត្ថខេត្តបន្ទាយមានជ័យបានឃាត់ខ្លួនថៅកែធ្វើអាជីវកម្មដីភ្នំលៀបចាត់ការតាមផ្លូវច្បាប់និងបានបញ្ចប់អាជីវកម្មដីភ្នំលៀបនៅខេត្តបន្ទាយមានជ័យទាំងស្រុង ក្រោយសមត្ថកិច្ចចម្រុះចុះត្រួតពិនិត្យនៅចំណុចអាជីវកម្មដីភ្នំលៀប រកឃើញថា ការធ្វើអាជីវកម្មដី ភ្នំលៀបខុសច្បាប់បង្កឱ្យធ្លាក់រថយន្តដឹកដី១គ្រឿងបណ្តាលឱ្យតៃកុងរថយន្តម្នាក់ស្លាប់ ។ ការឃាត់ខ្លួនឈ្មួញនិងបិទអាជីវកម្មដីភ្នំលៀប បានធ្វើឡើងនៅព្រឹកថ្ងៃទី៦ ខែវិច្ឆិកា ឆ្នាំ២០១៨ ស្ថិតនៅភូមិ ទ្រយោង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។
កាលពីថ្ងៃទី៤ ខែវិច្ឆិកា ឆ្នាំ២០១៨ ស្ថិតនៅភ្នំលៀប ភូមិទ្រយោង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ មានហេតុ ការ រថយន្តដឹកដី១គ្រឿងបើកឡើងលើភ្នំ ដើម្បីចូលដឹកដីពីអេស្កា ។ក្រោយ មក រថយន្តដឹកដីនោះបានរអិលធ្លាក់ពីចំរ៉ាក់ភ្នំ បណ្តាលឱ្យធ្លាក់ រថយន្តនិងតឺតៃកុង រថយន្តម្នាក់បណ្តាលឱ្យស្លាប់ ។
ពាក់ព័ន្ធបញ្ហានេះ ប្រធានមន្ទីររ៉ែនិងថាមពលខេត្ត លោក សុត វឌ្ឍនា ប្រាប់ឱ្យដឹងថា គណៈកម្មការចម្រុះបានចុះត្រួតពិនិត្យ កន្លែងកើតហេតុ ក្រុមហ៊ុនអាជីវកម្មដីភ្នំលៀប ច្បាប់បានអនុញ្ញាត ឱ្យជីកកាយដីភ្នំបាតក្រោម ដែលមានរណ្តៅចាស់ប៉ុណ្ណោះ ។ ប៉ុន្តែគណៈកម្មការចម្រុះត្រួតពិនិត្យឃើញថា ក្រុមហ៊ុនបានទៅជីកកកាយនៅលើភ្នំ ខុសគោលដៅច្បាប់បានអនុញ្ញាត។
លោកប្រធានមន្ទីររ៉ែនិងថាមពលខេត្តប្រាប់ទៀតថា អាជីវកម្មដីភ្នំលៀប ត្រូវបានគណៈកម្មការចម្រុះ បញ្ឈប់អាជីវកម្មទាំងស្រុងហើយ នៅព្រឹមមិញ នេះ៕
ប្រភពពី៖ អគ្គស្នងការដ្ឋាននគរបាលជាតិ
