តារយៈការផ្សាយដោយសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី០២ ខែសីហា ឆ្នាំ២០១៨ នេះបានបង្ហាញពីក្ដីព្រួយបារម្ភជាមួយនិងការភ័យខ្លាចរបស់ប្រជាជនប្រទេសមីយ៉ាន់ម៉ានៅពេលដែរទឹកនៅតែបន្តហក់ឡើងកាន់តែខ្លាំងដោយសារតែគ្រោះទឹកជំនន់នៅឯភាគអាគ្នេយ៍ប្រទេសមីយ៉ាន់ម៉ា ជាទីដែលមនុស្សច្រើនជាង ១៣០,០០០នាក់ ត្រូវបានជម្លៀសទៅកាន់កន្លែងមានសុវត្ថិភាព និងជាច្រើននាក់បានបាត់បង់ជីវិត។
ខេត្តចំនួន៤ត្រូវបានទឹកជន់លិច តំបន់ដីស្រែមួយផ្នែកធំក៏ត្រូវបានជនលិច រីឯក្រុមអ្នកជួយសង្រ្គោះកំពុងព្យាយាមចូលទៅដល់តំបន់រងគ្រោះ ដោយជិះទូក ដើម្បីផ្គត់ផ្គង់ស្បៀងអាហារដល់អ្នកដែលមិនអាចចាកចេញ ឬបដិសេធចាកចេញពីផ្ទះរបស់ពួកគេ។ លើសពីនេះទៅទៀត ការចេញបញ្ជាឱ្យជម្លៀសប្រជាជននៅតែត្រូវអនុវត្តន៍នៅទូទាំងខេត្ត Bago, Karen, Mon និងខេត្ត Taninthari ដ្បិតខេត្តទាំងនេះមានទំនប់វារីអគ្គិសនីចំនួន ៣៦កន្លែង។
មនុស្សច្រើនជាង ១៣២,០០០នាក់ ត្រូវបានជម្លៀសទៅកាន់ជម្រកស្នាក់ នៅបណ្ដោះអាសន្ន ហើយ ១២នាក់ផ្សេងទៀតបានស្លាប់ បើតាមអាជ្ញាធរមីយ៉ាន់ម៉ាបានបញ្ជាក់៕
ប្រភពពី៖Freshnews
